100 айлын 1,6 км замын өргөтгөл шинэчлэлтийн ажил эхэлж байгаатай холбоотойгоор 32-ын тойргоос 100 айлын уулзвар хүртэлх авто замыг 3 хэсэгт хуваан хэсэгчлэн хааж, зам барилгын ажлыг эхлүүлэх гэж байна.
32 тойргоос Хангай хотхон хүртэлх 0,3 км авто замыг 06-р сарын 28- ны өдрөөс 07-р сарын 10 хүртэл, Хангай хотхоноос УБЕГ хүртэлх 0,6 км авто замыг 07-р сарын 15-ны өдрөөс 07-р сарын 28 хүртэл, УБЕГ-аас 100 айлын уулзвар хүртэлх 0,7 км авто замыг 07-р сарын 28-ны өдрөөс 08-р сарын 15 хүртэл тус тус хааж авто замын өргөтгөл шинэчлэлийн ажлыг хийнэ.
Иймд тус чиглэлийн автозамаар зорчих иргэд болон үйл ажиллагаа явуулж буй аж ахуй нэгж, байгууллагууд автозамын барилгын ажил хийгдэх хугацаанд үйлдвэрлэл үйлчилгээгээ төлөвлөн ажиллана уу.
НИЙСЛЭЛИЙН АВТО ЗАМЫН ХӨГЖЛИЙН ГАЗАР
