Улаанбаатар хотын автомашины түгжрэлийг бууруулах, хөдөлгөөний эрчмийг нэмэгдүүлэхээр томоохон уулзваруудад засварын ажлуудыг хийж байгаа. Тэгвэл энэ удаад Баянзүрх дүүрэг Зүүн 4 замын уулзварын засвар шинэчлэлтийн ажлыг гүйцэтгүүлэхээр бэлтгэл ажлыг хангаж байна. Засварын ажлаар авто замын хашлага солих, инженерийн байгууламжийн худгуудын өндрийн төвшинг тохируулах, авто замын зорчих хэргийг асфальтбетоноор хучих болон зохион байгуулалтын хэвтээ тэмдэглэгээний ажлуудыг хийхээр бэлтгэл ажлаа хангаад байна. Засварын ажил үргэлжлэх хугацаанд замын хөдөлгөөнийг хэсэгчлэн зохион байгуулах төлөвлөгөөг гарган холбогдох байгууллагуудад хүргүүлэн хөдөлгөөн зохион байгуулалтыг хийх гэж байна. Үүнд: 08 дугаар сарын 08-ны өдрийн 23:00 цагаас 08 дугаар сарын 10-ны 23:00 цаг хүртэл Зүүн 4 замын уулзвараас хойш Сансарын туннель хүртэл
08 дугаар сарын 10-ны 23:00 цагаас 08 дугаар сарын 12-ны 23:00 цаг хүртэл Зүүн 4 замын уулзвараас урагш Намьянжугийн гудамжны Петровис ШТС-ын уулзвар хүртэл
08 дугаар сарын 12-ны 23:00 цагаас 08 дугаар сарын 16-ны 23:00 цаг хүртэл зүүн 4 замын уулзварын хөдөлгөөнийг
тус тус замын хөдөлгөөнийг хязгаарлан засвар шинэчлэлтийн ажил явагдана. Иймд иргэд жолооч та бүхэн бусад замыг сонгон хөдөлгөөнд оролцоно уу.