Нийслэлийн Зам, тээврийн асуудал хариуцсан төслийн удирдагч Б. Отгонсүх, Авто замын хөгжлийн газрын дарга Ж.Тогтохбаяр болон холбогдох албан хаагчид БНХАУ, МУ-ын засгийн газрын хөнгөлөлттэй зээлийн хөрөнгөөр хэрэгжүүлж байгаа ажлууд графикийн дагуу явагдахад тулгарч байгаа асуудлуудтай танилцан цаг тухай бүрд нь шийдлийг тодорхойлон үүрэг даалгавар өгч ажиллаа.
Гачууртын уулзвараас Налайх- Чойрын уулзвар хүртэлх 20,9 км авто замын барилга, түр зам, Замын цагдаагийн газрын ойролцоох гүүрэн гарц, Яармагийн шинэ гүүр, хуучин гүүрийг засварлах,Туул гол дээгүүрх Баянзүрх дүүргийн 321 у/м болон Сонсголонгийн 289,4 у/м төмөр бетон гүүрийг барих ажлууд 2 улсын хөнгөлөлттэй зээлийн хөрөнгөөр хэрэгжиж байгаа юм.
