170 дугаар цэцэрлэгээс төв зам хүртэлх хатуу хучилттай 0,6 км авто замыг 06 сарын 20-нд ашиглалтад оруулна

361

Нийслэлийн Авто замын хөгжлийн газраас он дамжин хэрэгжиж  буй Сонгинохайрхан дүүргийн 25 дугаар хороо, 170 дугаар цэцэрлэгээс төв зам хүртэлх хатуу хучилттай 0,6 км  авто замын ажлын явц 80 хувийн гүйцэтгэлтэй үргэлжилж байна.

Иргэдийн эрүүл аюулгүй тав тухтай орчинд амьдруулах түгжрэлийг бууруулах зорилгоор гэр хороолол руу түлхүү автозам тавихаар төлөвлөн гэр хорооллын доторх холбоос шинэ авто зам барих ажлуудыг эхлүүлэн  гүйцэтгэж байгаагийн нэг нь тус авто зам юм.  

Өнөөдрийн байдлаар зам барилгын ажлын гэрэлтүүлэг, газар шороо, авто замын хашлага суурилуулалтын ажлууд бүрэн дуусч, асфальтбетон хучилт хийхээр бэлтгэлийг хангаж байна.  Мөн явган хүний  замын трассд өртсөн 10 нэгж талбарын  газар чөлөөлөлтийн ажлууд үргэлжилж байна.

Гэр хороололд шинээр барьж буй тус  авто зам нь 0,6 км урт, 6 м  өргөн, нэг талаараа 1,5  м явган хүний зам,  2 талдаа 0,5 м хөвөө,  гэрэлтүүлэгтэй байхаар төлөвлөгдсөн.

Тус авто замыг  2020 оны 06 дугаар сарын 20-ны өдөр байнгын  ашиглалтад оруулахаар төлөвлөн ажиллаж байна.